Laas week, Donderdag aand, is dit uiteindelik my beurt om te bad (het ek al genoem dat ons nuwe huis nie `n stort het nie...en dat ek lang hare het wat gereeld gewas moet word???), terwyl ek ewe trots in die bad le en dink aan die 7 kilogram wat ek al reeds verloor het (nog net 14 weg van my LV handsak...), sien ek dit...
Spinnekop webbe wat oral op my bo-bene voetpadjies loop...sug....ag wat, dis seker maar een van daai oorerflike geskenkies wat jy maar net moet liefhe, anders...anders... nee wat, ek het nou lank genoeg hier gele en is bang ek gewaar nog iets...oops te laat, die rekmerke op my maag vang dadelik my oog, dit was vir my `n aanduiding tydens my 2de swangerskap dat die moontlikheid groot was dat die bondeltjie `n dogtertjie sou wees, (het ek genoem dat ons nie met een van die swangerskappe voor die tyd geweet het wat die geslagte was nie?) hoe dan anders, ek het rekmerke wat ek nie met die mannetjie gehad het nie, en ja, ek het ge-"Palmers coacoa-butter" tot ek die coconut in my mond kon proe...hierdie ongewenste rekmerke wat hulle self kom tuismaak het hier op my maag, het Kari se naam diep ingekerf in elke streep!
Nee kyk, nou moet ek uitklim.... gryp my handdoek, maar die nare gevoel dat iemand vir my loer kon ek nie afskud en draai toe maar om....wat vroeer net `n sug was, verander in `n paniekerige smag na asem. Ja, in die lewensgrootte spieel agter my loer hul vir my en SJ se naam weergalm saggies uit elke grotjie uit, sy voorletters le versteek in elke gaatjie "haelskade" op my bobene...
My onwillekeurige kop kyk op...daar is donker blou-pers sirkels onder my oe....ek lyk soos `n raccoon...WANNEER HET EK DIT LAAT GEBEUR??? Hoewel ek weet dat dit deur my eie doen en late gebeur het, kry ek so `n "sneaky suspision" dat my man se naam daaraan gekoppel kan word, soos die korrupte tenders in die regering wat so onwettig DEUR die regerende party AAN die regerende party toegestaan word en ek is die blonde leier (sonder die botox, let wel) van die ondersoekende party wat agter die kap van die byl probeer kom....
Net daar en dan besluit ek, dit is nodig vir my om meer "my tyd" in `n dag uit te sit...die miljoen rand vraag is egter "WANNEER?" Wanneer, want van 5am wanneer ek manlief se broodjies maak, regdeur tot 10pm wanneer ek uiteindelik my kop neerle, is daar nie `n oomblik tyd vir myself nie. Die feit dat ek nie meer 'n "high paid corporate" is nie, en nie so 'n bydrae lewer tot die huishouding nie, voel dit soms of ek nie "mytyd" verdien nie...hoe nou gemaak?
NEE NEE NEE!!! Gee nie om hoe besig jy is nie, elke vrou verdien `n bietjie "mytyd" elke dag....al is dit net 20 min in `n lekker "bubblebath" bad!
...om die lyne op jou lyf te admireer en Dankie te se vir elke lieflike persoon wie se diep spore daarin te vinde is!!!!
Tussen 'n baba wat met tande sukkel en 'n man wat baie aandag soek, kraak my bad al so droog is hy van die min "me time"...
ReplyDeleteDink ek het al vergeet wat 'my' tyd is :-)
ReplyDeleteAlmal behoort so nou en dan n SPA te boek saam klomp vriendinne minus die mans en kinders. Maar dan tref daai skuld gevoel mens mos weer....